لمبة "الجاز" ولااا "الغاز"..وعجبي !

نفسي اصحي علي الخبر دة :
تمكنت وزارة الكـهــربــاء والطـاقــــة فـــي مصـــر مـــن حـــلّ أزمــة الانقطــاع المستمـر فـي الكهرباء فقـد أعـلـن وزيــر الكهـربـاء والطـاقــة أنّ الـوزارة اكتشفت سـرّ الأعطال التي كانت تحـدث مؤخراً....!!!!!!

المفروض بعد الثورة يكون اسلوب الوزراء اتغير
ويتواصلو مع الشعب ويتكلمو معاهم ويكون عندهم حلول فورية للمشاكل الهامة الي بيعانز منها في حياتهم اليومية
بدل ماسايبنهم كده يخبطو في الضلمة؟؟!!! اه في الضلمة
مستغرب حضرتك!  طب اسمع يا سيدي :

فبشهادة الناس في احد المناطق الشعبية بيقولو : على فكرة النور بيقطع كل يوم حوالى اربع ساعات واكتر .. اصل مش ساكن جنب

بيتنا وزير او محافظ

فيا معالي الوزير ما تعليقك: علي ان الكثير عانى من انقطاع الكهرباء على مدار السنوات السابقة و البعض اشتكى ولكن لا صوت يعلو فوق مصلحة الحكومه 

وتفاجئنا جميعا بانه قامت شركه كهرباء اردنيه بشراء 600 ميجاوات/ساعة من مصر (هذا على اساس ان عندنا فائض/ حسبى الله ونعم الوكيل )

بلاش كده

انا شايف ان الاسباب الرئيسيه في مشكله انقطاع الكهرباء في الأتي :

1 - بسبب دعم مصر لإسرائيل بتصديرها الغاز المصرى لها حدث خلل بنقص الغاز الطبيعى اللازم لإدارة المولدات المنتجه للكهرباء التى تغزى جميع أنحاء جمهورية مصر العربيه فحدثت هذه الكارثه التى أضرت بكل شئ فى مصر.

2 - نتيجه السبب الاول ادي الي عدم اهتمام وزارة البترول بتوفير محطات كهرباء تعمل بالغاز الطبيعى المصرى، الذى يصدر جزء كبير منه إلى إسرائيل.

فأنقطاع الكهرباء عن كثير من المدن والقرى والأحياء المصرية "كارثة"، نظراً لارتفاع درجات الحرارة فى فصل الصيف لتصل إلى 40 درجة مئوية واكثر، بالإضافة إلى المعاناة  من الظلام وإلأفطار على ضوء الشموع فى شهر رمضان، بجانب تحملنا الكثير من الخسائر لتلف بعض المنتجات فى المحلات التجارية والمصانع.

حاسس ان معالي الوزير بعد الكلام ده هيتبني فكرة مشروع جديد وهو :
.
.


.
.

.
.


لمبة جاز لكل مواطن..
بس علي الله نلاقي الجاز ساعتها
وعجبي !