سؤال لكل مناوئ..!!!

رجعت من الشغل وانا جعان وعطشان والدنيا صيام
بس قعدت افكر في سؤال خطير
فكرو كده معايا فيه !!! يا مناؤين !!

فية سؤال مهم محدش سألة لنفسة والله اعلم: ليه بيحصل كدة من الجيش كل الانتهاكات دي الي شفناها وسمعنا عنها " الي كان اخرها فض الافطار الجماعي في5-8-2011 "؟؟؟؟؟
الرد علي السؤال دة بسؤال !!


 !كيف يضمن المشير بقاءة في الدوله المدنيه القادمة لمصرنا الحبيبة؟


الناس لو فكرت شويه وقالو لنفسهم : هما شويه العيال الي في التحرير عايزة ايه؟ وكلفو نفسهم ونزلو وسمعونا كانو عرفواااا؟
وهنقول تاني
حد يختلف معايا علي القصاص من قتله الشهداء ومحاكمة  رموز الفساد
حد يختلف معايا في وضع برنامج زمني قصير المدي لتسليم البلد لحاكم مدني
وتحديد معالم الدوله
ووضع برنامج زمني طويل المدي لتحقيق التغيير في البلد
من تطوير للتعليم وللصناعة... والخ ونصبح دولة متقدمة
حد يختلف معايا في تطبيق العدالة الاجتماعية
حد يختلف معايا بعودة الامن الحقيقي والقبض علي البلطجية والمندسيين مثيرين الفتن
حد يختلف معايا ب لا لمحاكمات العسكرية للمدنيين
حد يختلف معايا علي استقلال القضاء وتحقيق العدل
حد يختلف معايا ضد انتهاكات التعذيب ضد المواطنيين من اي فرد امن تابع لأي جهه
حد يختلف معايا ان كل الي فات دة هي دي مطالب واهداف الثورة !
الجواب سهل
بعد ما عشنا 7شهور في
المرحلة الانتقالية< الخداع والتشتيت واثارة الفتن والتخوين والانفلات الامني 
وربط ذلك بتخريب البلد وانهيار الاقتصاد
واثارة الاشاعات>كل هذا
بسبب وجود فاسديين بيننا
يخافون علي انفسهم
من الشعب المصري الحر
يخافون من مصير
المخلوع
علي يد الشعب
فهم جزء من نظامة واذا رحلو انكشف المستور  وجاء الحساب !!!
هل تعلمون ان بالأمس9-8-2011 تحديدا بتنتهي مهلة الستة اشهر بتاعة تسليم المجلس العسكري للسلطة -
 صح النوم !!!وقال المجلس الاعلى للقوات المسلحة المصرية انه يأمل في تسليم السلطة الى قيادة مدنية منتخبة خلال ستة أشهر 
اسمعو الدقيقة ال 2

http://www.youtube.com/watch?v=qR8X19_YU-Y&feature=related

المجلس العسكري : لا نسعى للسلطة .. وتسليم الدولة خلال 6 أشهر إلى سلطة مدنية منتخبة

http://elbadil.net/%D8%A7%D9%84%D9%85%D8%AC%D9%84%D8%B3-%D8%A7%D9%84%D8%B9%D8%B3%D9%83%D8%B1%D9%8A-%D9%84%D8%A7-%D9%86%D8%B3%D8%B9%D9%89-%D9%84%D9%84%D8%B3%D9%84%D8%B7%D8%A9-%D9%88%D8%AA%D8%B3%D9%84%D9%8A%D9%85/




المعادلة بسيطه اوي
الناس اللي فالتحرير+مطالبهم (الي قولتها من شوية) = دولة مدنية "اي بلد يحكمها رئيس مدني"
صعبة دي !!
نهاية حديثي احب اقول مثل شهير

 قالك: يا مناؤين يكفيو شر الجايين
!!!!
وربنا يستر
لكي الله يامصر